去完沙井一日遊, 好彩去一日唧. 上面又熱又焗又大塵, 我地呢d歎慣冷氣既廢人上到去特別覺得辛苦.
一場去到沙井, 去食"高級私房菜", d野都幾好食, 價錢拍得住香港, 但冇冷氣果度衰丫. 越食越熱, 越食越頭痛. 走果時個頭痛到想嘔. 成個下晝我都係混混噩噩. 個人好熱, 但係個頭又痛到標冷汗. 搭車落深圳時直情痛到眼都擘唔開.
再到沙井, 我特登再睇下新裝修果part. 真係無話可說. 上次去我已經同同事講過, 我喺夢中黎過呢度, 真係完全一樣. 我仲記得個夢係我俾喪屍追(打機後遺症?), 追到去間似工廠既地方匿埋, 果時我地都未接收沙井, 更加未裝修. 估唔到現實生活中, 幾個月後, 我會去同一個地方....
死啦個夢有冇咩喻意架? 沙井有怪物?? 定d怪物係暗喻某d人某d事??? 總之都唔慌係好野.
點解六合彩開彩號碼又唔見我會夢到?
1 comment:
你幾時會夢多d好玩D o既野玩下呀?
Post a Comment