發呆中

而家身處太子, 對住d數發呆. 我都好想快d做好佢早閃早著, 但一來個腦好實, 二來我係一日未到交功課果日都唔願郁既人. 係要趕頭趕命先做得起勁既. 對, 我犯賤...

琴日下晝瘋狂排毒之後, 夜晚唔敢食野, 食左幾塊餅頂肚就去瞓. 今朝心血來潮度下條腰, 嘩勁呀, 冇左吋幾! 所以話呢, 邊洗去修身堂邊洗買藥買到窮呢? 用廿三蚊買個好景婆媽豆腐飯就得喇. 呀, 去郎田日本料理都得, 用匯豐card有五折添, 優惠期到06年12月31號架.

德國輸左波, 哈哈, 唔知佢地會唔會好失落, 失落到冇心機做野呢? 我真係一個email都收唔到喎. 係就希望佢地繼續失落啦.

好想去做spa, 香港千千聲, 不如索性去泰國仲可以shopping. 喂有邊個好姊妹有興趣去轉泰國快d舉手, 我地擇個吉日飛起d麻甩佬自己去wet啦~