英文巴士阿叔

頭條日報: 猛撼櫃車 上層3客拋飛 九巴撞爆車頭 弟死姊傷
我日日都搭巴士, 都咪話唔驚. 上層肯定危險過下層, 而下層又以司機位後面既位比較安全. 所以我盡可能坐下層右邊.

d巴士司機一般都好興貼住前面架車個屁股行. 有咩事真係好容易撞埋去. 今朝就係喇, 前面條友唔知係咪唔識路, 全程行到窒下窒下, 我搭果架巴士就全程貼住佢行. 卒之賴野, 前面架車突然一下急停, 我地車入面就有幾個乘客差d仆x. 有個男人一腳踩左落我度, 我本能地望一望佢, 都未出聲, 佢先講一句 "It's not my fault", 跟住迅速拎轉面. 丫, 雞腸? 我暗暗打量呢位中年阿叔, 年約40, 頭髮稀薄, 白底藍色直間裇衫啡色吊腳西褲加白波鞋, 咦? 有fashion sense喎. 只見阿叔拎轉面後攞個電話出黎, 大講廣東話. 哈, 點解頭先同我講英文﹖

我估阿叔講英文原因有兩個: 1) 我呢排晒黑左似菲傭; 2) 秉承中國人傳統, 講英文者地位較高, 果句英文只係先發制人, 用黎大我既.

都係大我既多啦. 阿叔恰細路女.....