阿婆搭火車

時: 八點幾
地: 紅磡火車站月台往羅湖方向
人: 拖住巨大紅白藍阿婆; 套裝斯文靚女; 多事閒人(me)﹔KCR職員

事發經過:
月台上, 阿婆迷茫地左望右望, 閒人呆站一旁, 靚女經過
阿婆(截停靚女): 阿姐姐, 去羅湖係咪呢度搭車呀下?
靚女: 係呀
兩人呆企等車
車到, announcement: .....本班列車以上水為終點站.......
阿婆跟大隊上車
靚女: 呢架車唔係去羅湖架
阿婆: 你頭先又話去羅湖喺呢樹搭既?
靚女: 呢班車去上水架
阿婆: 咁去羅湖喺邊度搭車?
靚女: 係呢個月台...
阿婆 (大聲打斷): 咁你又話呢架車去上水?
靚女: 呢架車係去到上水架咋, 啱啱講左...
阿婆(更大聲): 咁羅湖係咪要過對面搭呀?
靚女 (開始唔耐煩): 你搭下架啦, 下架係架啦
阿婆 (大刺刺坐低): 哼, 呢度大把位我唔坐坐下架?
靚女唔再理阿婆, 搵位坐打開都市日報
靚女去到沙田落車, 閒人同阿婆搭到上水. 閒人落車, 好心職員叫阿婆落車
阿婆: 我去羅湖呀!
職員: 阿婆, 呢架車黎到呢度總站啦
阿婆: 而家d車唔去羅湖?

我趕返工冇得睇事情進展, 唔知後尾點收科?