今朝出門口居然見到人接新娘, 呱呱嘈, 隔離街都聽到, 我仲以為劈友. 乜今日好日咩? 反正無聊我就去網上通勝八下. 咩話? 今日宜割脈???? 正想叫d同僚黎笑下, 哈, 係"割蜜"先啱, 又發雞盲....
講開又講, 點解香港咁興d大燈罩型婚紗? 好睇咩? 究竟著住點去廁所? 我當年就係諗唔通去廁所呢個問題所以唔敢揀拖地大燈罩. 問人又好似好樣衰.
細T妹妹 post左佢個生日爬地d相啦, 我撻左張全家福 (點解我大細眼既?). 原來咁多人六七月生日, 真係好啊, 成日有得開爬地, 成日有得食, 個個食到豬圓肉潤. 下個月有冇人生日啊?
去唔去書展好? 其實都諗唔到有咩想買, 但weekend又冇野好做. 唔想成日瞓, 呢排瞓得太多, 條腰骨好痛.
後日又要去沙井, 諗起就唔開胃.
哎吔...我醒起八月有邊個生日啦....都唔會有生日爬地囉.....hehehehe~
No comments:
Post a Comment