琴晚原本去上yoga, 但搭搭下車突野然間胃抽筋, 差d行都行唔到, 結果冇去, 嘥左一堂.
返到屋企又冇野啦喎, 都唔知咩事.
今朝起身好大雨, 以為黑雨有望點知只係黃雨. 有遮都冇用, 落到巴士站已經濕晒. 落親雨都勁塞車, 平時15-20分鐘既車程今日攪左40分鐘出黎. 落雨點解一定塞車呢? 落唔落雨條路都係咁多車架啦! 我又唔覺d車比平時行慢左好多喎.
雖然落雨, 但都應該仲有廿八九度, 巴士依然係好焗. 但係今朝坐我隔離個女仔一上車就拎件冷衫出黎著. 我睇得好清楚係冷唔係線. 凍咩?!
今日lunch食大家樂, 未見過咁油淋淋既咖哩, 食左三份一已經頂唔順, 好似飲油咁. 同事個意粉又係油浸. 呢排油平? 定廚房倒瀉油?
Belly dance tonite. 上次教既野唔記得晒lu, 仲叫我地番去練下, 哈哈, 次次一踏出studio就將啱啱上堂學既忘記晒啦, 練乜鬼丫練~~
2 comments:
我今朝架巴士行行下壞左個水撥
要等下架..冇位坐又遲到
可能呢d就係其中一個traffic jam既理由
我地既路線好似唔同喎
Post a Comment