Sick...

死, 一早起身喉嚨勁痛頭痛骨痛, 大T我地都係唔好再食KFC...

其實好想去睇醫生跟住唔返工, 但喺屋企好悶. 留喺屋企又要開冷氣, 唔化算. 見仲行得都係返工好d.

瞓醒懵下懵下入廁所, 一抬高頭就見隻大強喺個抽氣扇度爬上爬落. 非常醒目既我即時開抽氣扇. 頂, 隻野跌左落個企缸度四圍遊走. 據我經驗所知殺大中小強係唔洗用劍既, 都唔洗用黑旋風, 我好鎮定咁拎起枝浴室萬潔靈, 向住目標狂噴. 幾秒後, 強強痛苦地反肚, 淨低一隻腳抽下抽下...唔.....仲有清新檸檬香味添.

死強累我遲左出門口. 頭痛到死都要我追巴士! 而家d巴士火車係咪都要較到25.5度, 焗到痴肺, 已經唔舒服仲要冇氣抖﹗

搭車焗到瞓唔著, 睇書. 之前抽起條筋想睇d light少少既小說, 結果用兩個星期時間睇晒Sophie Kinsella 4本 shopaholic書, 而家又開始返睇murder mystery. 講真, 一本書冇人死冇暴力冇縣疑始終唔係好啱我, 加多少少色情更好, 哈哈.

結果睇到去羅湖, $%^&*x!@#*(&*^+....