返工又落大雨, 又塞車!
今日搭火車見識到有d老人家同細路係幾咁"可愛". 講左老既先, 有個阿婆上車, 好權威咁指住一個坐喺度既女仔, 大聲講"唔該", 跟住就作勢要坐低. 對面其實仲有幾個吉位, 但個女仔個位可能係阿婆既"非佛"? 原本坐喺度吽下吽下既女仔先係一呆, 然後無奈地起身坐過對面. 阿婆坐低時個樣好得戚.
跟住又有個阿媽帶個著住幼稚園校服既細路上車. 果時好大雨, 走雨罅上車時阿媽唔小心踩左細路一下. 上到車個細路就不停fing手fing腳扭計同鬧佢阿媽踩親佢. 個慈母又攬又錫又"tum", 俾我就兜巴醒佢.
Belly dance 9月開始加價啦, 一加加四舊水. 即係成二百幾蚊一堂, 都幾貴. 但係學開又冇理由唔學, 雖然我真正吸收到既野可能好有限, 又成日冇記性.
Weekend又冇野好做. 我估我聽日唔係大覺瞓就係週街蕩. 除非有得去旅行, 唔係而家真係寧願返工都唔想放假, 起碼唔洗諗做乜, 去邊.
No comments:
Post a Comment