禽日收到份CV, 個candidate既大名實在夠晒氣勢, 叫"海嘯", 勁唔勁? 俾海嘯嚇一嚇之後, 7點幾香港就地震. 海嘯同地震真係一齊黎既. 天文異象喎, 瘋瘋呀Ling Ling呀果班友仔唔知會唔會又出黎廢up妖言惑眾?
報紙話不排除更強餘震, 唔好嚇人喎...
夜晚去跳舞忍唔住買左條新跳舞裙仔同hip scarf. 條裙仔湖水藍色好靚架, 同學仔話我五行欠水呢隻色啱喎(成班八婆). 幾錢? 唔好提囉....總之今個月又嘔凸!
火 車上確係多怪人. 今朝有個西裝骨骨既阿伯上車一路忘我地開礦, 開採完畢居然企起身做早操, 又拗腰又擰又跳. 跟住見到門邊企左個嬌俏學生妹, 又走去撩人傾計. 個學生妹唔騷佢, 佢轉台講英文! 問學生妹: Do 于 speeek Enguleesh? 學生妹依舊睬佢都傻, 阿伯冇癮唯有行開繼續晨操. 我落車時佢仲捉住兩個環喺度做引體上升.
我幾年來搭巴士火車見既怪人怪事, 絕對可以輯錄成書. 有得諗~
2 comments:
影相..youtube..上報紙
喂.快d執下d文章..拿拿聲去投稿喇..有得諗架
"忘我地開礦"<===我睇到忘我地笑
Post a Comment