去KFC買早餐所見所聞:
1. 排緊隊時聽到隔離條line個鬼佬話: No.15, takeaway
靚女職員(醒目地): Sorry, we don't have it.
鬼佬 (迷惘): You don't have what???
靚女職員: Er....what do you want sir?
鬼佬(不耐煩): No.15, takeaway
靚女職員: ...... (無助地兩頭望, 但同僚們都好忙冇人幫拖)
鬼佬一臉不耐煩.
靚女職員(尷尷尬尬): Em...we don't have takeaway......
鬼佬: WHAT??!!
呢個時候餐廳經理突然出現打救. 經理即係經理, 知道咩係takeaway. 抵佢高grade d.
2. 前面師奶: 一個4號, 一個6號, 兩個9號, 一橙汁三奶茶, 喺度食既.
幾分鐘後, 未瞓醒樣女職員推兩個盤俾師奶, 上有3個餐, 3杯奶茶.
師奶: 我要4個餐喎, 點解得3個既?
未瞓醒樣女職員: 你要一個4號, 一個6號, 一個18號, 飲奶茶丫嘛!
師奶 (勞氣): 我要兩個9號喎, 兩個9變左18呀???
未瞓醒樣女職員(戇居居唔識反應): ......
經理再次現身打救, 迅速將18分解回做兩個9, 平息左師奶既怒火.
親眼目睹呢兩個個案, 結論係: 好既上司好重要!
2 comments:
呢個未瞓醒既女職員"好叻"女呀, 離開學校咁耐仲記得乘數表. 9x2 的確係18喎. 呢個女職員叻過頭之嘛.
不過個經理仲醒d. 識除法, 18=2x9.
可惜既係, 有個咁'叻'既職員, 做經理會做得好辛苦.
個樣好細個, 應該唔係離開左學校好耐
Post a Comment