印像中近年都幾多開錯藥事件, 我睇開個大國手一向好穩陣, 姑娘執左藥後會拎入去俾佢親自檢視, 仲要撩番隻龜, 先俾病人帶走. 但係佢呢個方法原來都有漏洞, 即使冇執錯藥, 但藥入面加左料又點呢?
好似東涌西醫"咸鯪魚"咁就賴嘢喇, 開左火酒藥水俾人飲. 好彩個細路冇事, 有事唔知點算? 餵佢食藥果個都好有問題, 報紙話一打開樽蓋就聞到濃烈火酒味, 佢完全冇覺得唔妥? 鼻塞聞唔到呀?
我諗要提議醫生們唔好齋check, 由其是藥水, 單憑顏色好難睇得出有冇問題. 最好打開個蓋聞下有冇俾錯洗潔精人飲, 更安全既做法就係自己飲一啖試下味先, 咁就萬無一失喇.
2 comments:
個細路又係慘d既, 不過d 大人聞到味都叫人照飲, 似乎無腦咗d.
無怪乎以前有叫人試食呢樣野, 有毒都係人地既事, 自己平安.
一般人(由其老人家, 師奶)都好信醫生, 可能真係諗唔到d藥會有問題
Post a Comment