抵 死啦, 食 得朱古力多攪到牙肉發炎, 隻智慧牙又隱隱作痛. 禽晚去洗牙順便問下好唔好剝左佢. 個牙醫好抵死地講, 呢隻牙因為好夠位生(即係話我面大啦), 我又唔理佢(點理?), 於是乎佢就霸左兩隻牙既位置打橫瞓喺度生(瞓? 物似主人型, 好懶). 結論就係, 呢隻牙除左阻定之外, 一d實際用途都冇, 最好就係剝.
多年前喺"麥記"行刑咁剝左兩隻智慧牙, 見過鬼怕黑, 我唔會再俾呢d經驗尚淺既醫生仔同我剝牙. 都係去搵番五分鐘極速剝牙既"玄機"保險d, 雖然佢好貴.
心血來潮諗到牙較痛會唔會係關d牙事呢? 同個牙醫講左, 佢check過又照左x-ray睇, 我果個位置幾隻牙都冇事, 唯一問題就係有少少牙肉發炎. 佢居然提議我不如剝左最埋邊隻大牙, 咁就可能唔再痛啦喎. 我心諗你唔係呀嘛, 隻牙冇事冇幹剝咩呀?
攪左一大輪, 錢又洗左, 都係唔知點解會牙較痛, 仲越黎越痛....究竟我乜事?????
No comments:
Post a Comment