開口中

結婚果陣同阿伴娘講過, 做過我伴娘之後好快到佢嫁. 果然, 佢呢兩年幾內火速由冇拖拍到搵到另一半, 而家仲有半年就結婚了.

開 口中我都唔係第一次, 不過以前都係中埋d衰嘢多, 好似當年捱到死既時候話過寧願量地都唔想做得咁辛苦, 果然, 不出半年就失業. *$%#*#&^$@! 卒之搵到嘢做後, 發覺原來係由一個火坑跳去另一個火坑, 發晦氣話最好大病一場可以抖下, 結果真係病到差d入廠. *$%#*#&^$@! 又同某君講我地去親澳門實係是但一個會病. 半年後貪得意去兩日一夜, 唔知食錯d乜嘔到我脫水. *$%#*#&^$@!

好囉, 而家睇黎我講d好嘢都開始中囉. 我講過既升職加薪唔加辛, 中千萬六合彩, 某君聽教聽話俾晒d錢我, 唔洗節食都36-24-36 etc etc etc....., 應該都會輪流中啦卦?