終於開完會

終於開完會, 禽日比第一日好, 起碼個個可以發下言, 唔洗戇居居坐喺度齋聽人講. 今日 last day 連老細都唔願多講, 好快放人走.

上 黎幾日, 第一晚俾人捉左去陪唱K, 第二晚去食火窩, 跟住禽晚 group dinner. 晚晚大魚大肉後, 返酒店後再同同事吹水兼狂"隊"零食到深夜. 雖然開會係悶, 但夜晚節目都幾豐富, 補返數. 後遺症係生飛滋, 牙肉痛, 標暗瘡....

下 晝流喺深圳, 有兩個女仔黎interview. 佢地對比都幾強, 一個怕怕醜醜唔多出聲, 一個較多嘢講, 感覺幾醒目. 怕醜果個學歷高少少, 年紀又大d, 似係個聽話既人, 但係有d驚佢會係踢一踢郁一郁, 有問題又冇膽問果隻. 我就比較鍾意開朗型果個.

睇返application form, 我prefer果個未婚, 大陸人好興一結婚就即生, 佢既年紀結婚既話算係"晚婚", 嘩~ 婚假 + 產假分分鐘放大半年, 我咪好大鑊?! 反而另外果個就結左婚生埋, 冇左呢重憂慮. 仲有呢個乖乖女住得頗近我地山卡拉位置, 個吱喳妹就住得好遠, 佢話可以考慮搬屋喎, 係至好講, 都唔知會唔會做做下到時又話太遠唔做!

搵工煩, 其實請人都好煩!