今日鬼節, 呢排夜晚都成日見人燒街衣. 其實呢d野係邊個發明?
唔知我死左之後有冇有心人拜下我燒下野俾我呢? N年前印度神婆最勁, 望下我隻手就講得出我係短命種. 果時都係得啖笑, 但後來幾個神棍加紫微斗數仲有個聽聞好靈既算命師傅都係咁講, 應該都有九成準. 如果屬實的話, 快則三年, 慢則廿幾年. 點都係過左一半有多架啦.
回顧過去, 喺喝倒采聲, 侮辱, 驚恐同失望中成長, 呢世人都幾失敗, 實在冇咩值得留戀. 唯一擔心既, 個天一向慣性同我過唔去, 都未必會俾我去得安安樂樂, 分分鐘玩我幾年唔俾我"速戰速決". 係既話, 我希望至少個醫生靚仔少少得唔得? 唔得既話, 迷迷糊糊咁去又得唔得? 我怕痛...
諗諗下, 都唔係完全冇牽掛. 我戶口果雞碎咁少記緊要"夠鐘"前洗乾洗淨先好去, 唔係死唔眼閉.
3 comments:
喂
我燒野俾你喇..不過..你係收到先好wor..唔係哂我gas呀
你d錢呢..唔駛急用唔哂架..留俾我囉
債就留俾你呀, 死野
喂.你d情債咁多..我唔要架
Post a Comment