有d虛脫既感覺, 我禽日下晝食左半份三文治, 夜晚食左半碗魚蛋米. 食完始終都係有“排戚”現像. 而家肚腩都細埋.
禽日掛住研究腳指唔記得話俾大國手知我有d皮膚敏感. 面既班班已經退左, 但心口背脊仲係一撻撻紅色, 好核突.
為左將來仲可以著低胸裝同露背裝, 我諗我以後都唔會再食海鮮.
今日其實好唔想返工, 但我知唔返兩日既後果可以好嚴重, 所以手軟腳軟都死返黎. 一開電腦, 死得, 一百五十八個emails, delete左三十幾個垃圾仲有百幾個要覆, 仲要個個都話urgent! 當堂又有想死既感覺.
果個唔知做乜既阿叔晨早問我攞個數既breakdown. 瞓醒未呀阿叔! 個數佢自己俾我架, 咪就係得大數一個囉, break佢個頭咩! 我咁答: 你都冇俾breakdown我, 我冇架喎. 會唔會好吋?
No comments:
Post a Comment