邊個爆石爆爛左個廁所???

屋企個廁所又有問題, 一係漏水一係沖唔到. 研究左好耐都唔知乜事, 唔理啦! 仲有廁所隻窗唔知點解無啦啦裂左. 麻鬼煩. 死人cheap樓, 唔係爛呢度就爛果度. 好彩間屋唔係我既!

搭車坐正條傻佬對面, 全程自言自語, 逢女經過都由頭到腳打量人流晒口水口up up,"正呀, 嘩, 正!" d女由十幾到五十幾都有, 佢都一視同仁頻呼"正!" 隔岸觀"傻"既我正諗緊"呢位人兄都好濫!"既時候, 見佢喺背囊拎個包出黎食, 一路食一路作陶醉狀,不停講, "唔...正呀! 正!"

哦, 原來佢淨係識講呢句~