好似冇咩點抖過, 又要返工了. 晨早起身喉嚨痛頭又痛, 心情惡劣.
今日唔知點解8:45就到. 仲有時間四圍去"及"下買咩早餐, 最後都係食番KFC腸仔蛋. 好飽好飽, 食完野心情稍為緩和.
又有新同事報到有d野八下, 做人又有番少少目標. 唔知有冇飯食呢? 點解佢好似好拘謹咁既? 我地一人一份早餐擺喺檯面嚇親佢?
老細病左, 陰功囉, 又病! 佢放完假番黎都病得幾頻密下. 都話佢財多身子弱架啦, 我就冇錢瞓唔著!
萍水相逢既朋友仔去每一個地方旅行都記得寄一d小小手信番黎俾我. 實在令人非常非常感動. 相比之下我就真係冇心, 出親去都唔識買番d野返黎俾人.....要好好檢討下, 唔係以後冇人買手信俾我點算......
今年興去日本咩下? 我識既人都去左, 去緊 or 將會去日本. 死啦我冇去, 好out! 同卑鄙話出年要去日本, 又俾人冷言冷語, "你度度都話想去, 你究竟去得邊?" 超, 講下都唔俾呀?
http://www.cbsnews.com/stories/2006/06/12/tech/main1701359.shtml
喂喂, 去試下啦~ 呢個高頻聲多數25歲以下既人先聽到. 但係我聽到喎! 都話我年年18架啦, 有排都未退化呀, 哈哈哈~
2 comments:
陰公. 我只係聽到達達聲既聲. 嗚嗚. 我真係老啦.
星期一幾時都係咁討厭既日子, 會令人胃痛, 頭痛同食慾不振.
唉~, 幾時到星期五呀.
係..最xyz僧星期一~~~~
Post a Comment