假期過後

勁唔想返工, 但都要向現實低頭.

今日唔洗問當然係冇mood做嘢, office得小貓幾隻, 我兩個老細都下個禮拜先返, 可想而知我有幾閒.

其他人都同我差唔多, "及"到有位哥仔不停上網, 祕書姐姐們則聚埋一堆傾足大半日, 隔離team肥仔老細頻頻落樓煲煙.

是日蛇王之冠為我附近一位祕書姐姐, 聽住佢煲左好耐電話粥, 細聲講大聲笑, 然後11點幾, 精神奕奕既佢話唔舒服走先. 唔... 好可疑. 亞軍係隔離再隔離team老細, 3點幾就偷走, 大老板5點鬆人, 肥仔老細緊隨其後5點20分, 跟住我前面位靚女不停食左好多朱古力之後, 5點半走埋.

簡直係奇景, 去到5點45分, 大部份人已經閃晒.

我6點零一分先走, 實在係好員工既典範, 絕對應該加人工.