一週回顧

成個禮拜冇蒲頭, 話聲俾大家知, 我仲健在. 唔出現既原因只有一個 ---- 懶.

回顧下過去一週:

星期一 - 行屍走肉般返工, 老細出左trip, 全日忙住發白日夢, 六點十五分走人. 點解唔係六點? 厠所要排隊囉.

星期二 - 行屍走肉般返工, 老細出左trip, 全日忙住發白日夢, 六點十五分走人. 點解唔係六點? 厠所要排隊囉.

星期三 - 行屍走肉般返工, 老細返左黎... 做到停唔到手. 七點, 第二邊個老細約我老細去飲嘢, 佢閃完我即閃, 七點幾先走得, 嘩, 好辛苦.

星期四 - 行屍走肉般返工, 繼續做呀做, 悶爆. 六點老細又同人去飲嘢, 我離位吹水, 六點半走人.

星期五 - 行屍走肉般返工, 極冇心機, 全日忙住發白日夢, 老細居然五點半就閃, 咁我當然準時六點閃, 今日早左十分鐘去厠所, 唔洗排隊.

回顧完畢.