七點幾就上車, 先去增遊既Peleş Castle, 好靚!
再去返上一日去唔到既Bran Castle. 呢座古堡建於1377年, 初時係作軍事用途, 1920起係羅馬尼亞皇室人員居所. 佢被指為吸血殭屍古堡, 純係因為小說家Bram Stoker老作.
古堡冇咩特別, 較過癮係入面有條秘道可bypass二樓, 由一樓直上三樓. 秘道又斜又窄, 大份d隨時會塞住喺中間唔上唔落.
睇完古堡去鄰近城鎮醫肚, 三十幾度高溫加烈日當空下坐露天位飲熱湯, 確係好享受, 我件衫濕到揸得出水.
食完飯驅車往西行, 前往另一城市Sibiu. 呢度係羅馬尼亞一個重要既文化中心, 早在1190年已被德國人開發. 去市中心廣場閒逛, 放眼所見全係歷史建築, 好正.
行吓行吓熱到痴肺, 我件衫又再一次濕透. 終於領隊哥哥大發慈悲, 放我地班鴨仔自由活動, 一行四人急忙跑到路邊酒吧仔, 一人叫杯大啤酒狂隊. 靚靚waitress介紹我地飲當地土產Silva Beer, 唔錯架.
呢日留左好多汗, 疲憊不堪, 8點幾就上床會周公.
4 comments:
點解好似好悶咁既....
d景其實係唔係好正架
我唔覺悶呀, 我呢d阿婆鍾意睇景行公園嘛
鍾意shopping就可能唔係好啱
d景幾好架
咁d野食o 唔ok架
住呢
食嘢普普通通架咋, 成日都係肉同薯仔, 早餐唔係腸仔蛋就蛋腸仔囉, 間中食吓d唔似中餐既中餐囉, 好過埃及好多既
住就幾好, 衰收尾, 間酒店唔夠冷氣
Post a Comment