東歐行 (八)

重頭戲來了, 今日去十六湖國家公園 (Plitvice Lakes National Park). 呢個公園由前南斯拉夫共黨政府於1949年建成, 79年起被聯合國教科文組織UNESCO定為世界文化遺產.

約兩個鐘車程去到公園下湖區, 先去醫肚.

沿途有不少民居依小瀑布而建, 環境就唔錯喇, 但唔知會唔會好嘈?





先去醫肚, 今餐食烤乳豬, 見下圖, 圖中燒緊既係一隻羊, 我地隻豬喺下格. 上碟後, 賣相普通, 唔知點解好勁騷味, 唔好食. 豬肉之外, 配菜又毫無驚喜地係薯仔.





食飽去飽厠所正式開始行程, 遊人都唔少但未至於迫, 沿途所見盡係碧綠色, 清可見底既湖水, 好靚呀.







我地真好命, 果日氣溫27度, 唔算太晒, 偶然仲有陣陣微風! 話就話行三個鐘但係一d都唔難行, 中間有休息站, 又有一段路有船仔坐, 唔覺唔覺三個鐘就過左, 有d唔夠喉添, 但原來16個湖入面我地已經行左12個, 都幾犀利, 連之前complain complain complain既阿媽都冇呱呱嘈.



我未去過九寨溝, 唔知邊度正d?