改朝換代講左好耐, 年頭開始, 又話轉logo又話轉卡片又話轉制又話炒人, 江湖傳聞傳之不盡.
從我入職開始七個多月以來, 大老細換左, 多左好多不明所以既ad hoc reports, 多左好多"果邊"既人打黎問長問短, 多左好多emails要答.
但一直甚囂塵上既轉呢樣轉果樣, 卻只聞樓梯響.
就在大家鬆懈下來之際, 昨日發現有工作人員靜悄悄地將所有同A銀號有關posters撕下, 換上R銀號posters. 今日, 則做做吓嘢電腦內既A銀號官方wallpaper突然消失, 取代既, 係R銀號衝出宇宙主題牆紙.
對方終於開始做嘢, 要將所有同"前朝"有關之物除去.
至於我地呢班"前朝餘孽", 高層走得既都已走或就走, 我等地位低微既小小薯, 冇資格同人講條件又冇資格被賠大筆走人, 只得默默接受, 努力融合.
我則冇咩感覺, 間公司我又冇份, 只要個個月準時出糧, 唔洗OT太多, 於願足矣, 理得佢邊個係老細?
1 comment:
其實呢樣最真呀. 老細唔會同你講心既. 有糧準時出, OT需有, weekend大瞓覺, 就心滿意足.
同志, 加油囉.
Post a Comment