突然提早搬

現任業主話佢層樓到價放賣, 近日頻頻有地產帶人上黎睇樓, 尋晚三小時內不停應酬上來睇樓人士, 最多竟有一家大細十多人結伴而來, 幾百尺斗室根本容納唔到咁多人, 我地兩個多次要退到後樓梯暫避, 不勝其煩.

同業主講掂數, 不如我地盡早搬出, 大家好. 大把錢既業主亦爽快應承, 我地一星期內交得到樓, 佢蝕一個禮拜租俾我地又如何?

下爬輕輕話冇問題, 我地今個星期六就會搬走.

死啦, 咩都未執未買, 搬屋公司又未搵, 點算好?