又遇怪人

經過便利店, 咦薯片減價喎, 即被吸左入去.

等找錢時, 冷不防被人重重一撞.

轉頭想#$%^人時, 見到撞親我果位阿哥, 呆一呆.

呢位哥仔約廿來歲, 身材肥胖, 一身文藝青年打扮, 戴粗框厚眼鏡, 頭髮蓬鬆"油潤", 似好耐冇剪, 更似好耐冇洗, 面上滿佈暗瘡.

佢飛撲埋counter後, 即用近乎大叫既聲線講, "艾....艾....汪eyes kim!" (I want ice-cream??)

收銀姐姐睇黎俾佢既俊朗外型同呢句濃重廣東口音英文嚇親, 一時反應不來.

哥仔重複,"Eyes kim! 艾汪eyes kim!"

姐姐問佢要咩味. 答, "混...nee拿!"

姐姐, "Vanilla?"

哥仔忽然轉台,"係!", 之後補鑊大叫回一句, "Yesssss!"

此時哥仔發現在一旁扮數錢睇熱鬧既我, 目露凶光啤到實.

嘩唔講得笑, 撇!

下次睇戲要醒d企遠d, 可能仲可以偷拍添.