講開發夢, 我真係一個natural born dreamer. 醒著時發白日夢, 瞓覺時有九成時間都在發埋d天馬行空無厘頭古靈精怪夢, 絕少時間係無夢既. 由我有記憶開始, 就成日重覆發一個黑白既夢, 應該係由讀幼稚園直到小四小五都不時發呢個夢, 不過越大, 次數就越少, 到差不多中學時候就冇再發.
個夢係咁既:
夢中我並冇出現, 身份係第三身, 就好似睇黑白片咁.
時間唔係現代, 我諗係清朝時候? 地點係一間裝修華麗古色古香既四合院之類建築, 有十幾個貴婦打扮既女人坐喺度嘆茶, 每個背後都有一至兩個妹仔企喺度撥扇dup骨. 成個畫面好寧靜, 冇人講一句說話, 好似睇默片咁.
突然一個女傭打扮既中年女人由唔知咩地方行出黎, 抱住個B經過間屋行左去屋旁一個好似柴房咁既地方, 果度已經有個妹仔在燒柴煲水, 見女人抱住個B入黎就將熱水倒入房中間個木盆仔, 女人除左個B既衫就放佢入去沖涼. 點知個B一落水就喊到拆樓兼不停掙扎, 呢個時候我既視線突然去返先前間屋中, 其中一個貴婦講左呢個夢入面唯一一句對白, 就係嗌過去小房間, "水太熱啦?" 話口未完, 唔知點解間房仔會有火球噴出, 並快速噴向成班貴婦同丫環所在之處. d火黎得太快太猛, 三吋金蓮既貴婦走避不及, 班妹仔又忙住護主未有及時走避, 好快成班人就葬身火海.
跟住鏡頭一pan, 見到一個小山坡, 年約三四歲既我企喺山坡上, 我父母正行上山坡, 一邊行一邊向我招手. 然後我就夢醒.
有冇高人指點呢個夢有咩含意?
4 comments:
因為水太熱個bb喊之後就有個火球..hmm..係唔係你黎架..
咁恐怖既..前世memory?
前世memory? 有人講過係
可能我前世真係燒死既, 哈
聽聞我出世時皮膚好黑, 十幾日後突然全身脫皮先白返
不過都無從稽考啦!
"十幾日後突然全身脫皮先白返 "
你用sk2?
用sk2會全身甩皮架咩?
Post a Comment