有一個夢又係好深印像 (兼好多問號):我夢見自己有晚去ball, 場地居然係我母校, 老虔婆office對出空地! 我盛裝打扮出席, 但唔知點解論論盡盡地拎住個大背囊, 極不協調. 入到去, 首先見到一班昔日既中學同學(有香港有澳洲)坐埋一枱, 談笑甚歡, 心諗"乜佢地識架咩?" 正想行過去, 現在公司同事A小姐突然彈出, 熱情地撟住我手臂, 話, "乜你拎住咁多嘢? 不如擺埋落我個locker度丫" 跟住就二話不說拉住我行. 跟住A小姐尾仲有一個男仔, 唔識既.
行到去一條又窄又長既路, 係以前Art Department位置, 但條路變左斜路, 路邊居然係縣崖, 望落去係萬呎深淵.行到尾變左做掘頭路, 牆上竟然無厘頭地有幾個極殘舊生晒綉既小lockers. A小姐打開其中一個, 叫我擺嘢入去, 個locker好細, 我喺度掙扎左好耐先塞到個大背囊入去, 終於放好背囊, 轉身一望, 發覺A小姐同個不知名男仔已經唔知喺咩時候走左, 剩低我一個企喺縣崖邊吹西北風!
我谷氣地行返轉頭, 行行下, 眼尾見到有個人影, 望過去, 只見一個男人身影正在縣崖出邊凌空行緊. 我嚇左一跳, 唔係咁猛呀嘛??? 我急急腳向前跑, 唔敢同正在急速飄移既靈體打照面, 終於跑上斜路頂, 聽到嘈雜人聲同音樂聲. 我向住人聲方向行過去, 途中唔知點解會經過張乒乓波枱, 有兩個人正在打得起勁, 但佢地一見到我行黎就好似見鬼咁嚇到掉左個拍急急跑開. 果兩個男仔既裝束好怪, 頭戴淺啡色畫家帽, 白色恤衫, 淺啡色工人短褲, 長白袜, 淺啡皮鞋.
我冇理果兩個人繼續行, 行行下聽到人叫我個名, 轉頭一望見係以前D記既一班同事 (點解佢地又會喺度?), 原來佢地留左個位俾我, 我行埋去, 跟住鬧鐘響, 醒左.
人話日有所思, 夜有所夢, 我諗我思緒都幾混亂, 就快癡線了!
No comments:
Post a Comment