一隻龍貓的故事

親戚個朋友X女士養有一隻龍貓多年, 據聞呢隻小動物極度乖巧有靈性, 全家當佢係寶鍚到佢燶.

幾個月前, 已達花甲年齡既龍貓開始食慾不振, 終日昏睡, 獸醫診斷後話佢年紀大, 機能衰退, 果頭近矣.

終於有一日, X女士發現龍貓伏在籠內郁都唔郁, 似係唔得了, 但佢久久唔肯合上眼, 望住主人既眼神竟似有萬般不捨. 結果龍貓一直捱至X女士丈夫同女兒都返家, 見過晒咁多個主人後, 先肯離去.

龍貓死後幾日, X女士發左一個極怪誕既夢, 夢中佢身在不知名地方, 有一個男人跪在自己身前. 男人同佢講, 佢就係佢地養果隻龍貓, 佢前世都係人黎既, 好感激佢地一家呢一世一直對佢咁好; 之後男人叩左三個頭俾X女士, X女士就醒左.

好玄既一個古仔, 信不信由你.