又病

成個禮拜起身都有輕微發燒加頭痛, 尋日仲喉痛鼻塞, 啪兩粒Panadol死頂返工去.

好奇怪, 一返到公司就乜事都冇, 可能係太多嘢做太勞氣, 唔得閒病. 我有三晚做到11點幾, 不知幾咁幹勁非凡.

今日喉嚨痛到失左聲, 吞口水時耳仔都痛埋, 週身唔舒服攪到我想瞓多兩個鐘都唔得. 結果星期六, 罕有地我10點未夠就起身.

不如返工做吓嘢, 可能會自己好返喎.