八婆飯局

三個女人收工相約食飯.

七點幾入坐, 雞啄唔斷傾到十一點, 充分發揮三個女人一個墟既威力.

內容離不開老細, 唔係因為佢有潘安之貌, 係因為佢衰格兼唔化.

成晚慘被三條八婆不斷數臭, 相信阿老細今晚打左唔少乞嚏.

講飽食飽, 出左一口怨氣, 盡興而回, 好滿足.

背後講人壞話, 確係一項有益身心既活動.