吾老矣

老啦, 濕度一回升就周身骨痛.

係老架啦, 晏奏食過乜唔記得, 老細朝早吩咐過乜又唔記得, N年前發生既事就記得一清二楚.

老啦老啦, 企得耐腳痛行得耐腳軟坐得耐又會腳痺.

真係老啦, 想當年通頂幾日面不改容, 今時今日OT兩個鐘已有想死既感覺.

實在係老啦, 當年減磅修身話咁易, 而家肥左瘦唔返.

的確係老啦, 個腦時不時會突然hang機, 一片空白, 係咪老人痴呆先兆?

果然係老啦, 骨頭硬晒, 伸個懶腰都會拗柴.

唔認老都唔得啦, 講嘢又長又臭, 囉囉嗦嗦, 吟吟尋尋, 重複又重複, 成個阿婆一樣...