今日宜 : 祭祀, 掃舍, 塞穴, 討論世界大事

黎到清明前後, 又係忙亂拜山時. 今日宜祭祀喎, 一早就同爸媽上廣州拜阿婆.

未到正日, 人唔多, 今日又好彩唔係好熱, 加上上面個哎吔親戚揸車接送, 其實都唔算太辛苦.

快手快腳拜完去醫肚, 食飯吹水親戚又問例牌問題: 幾時生返個?

答佢一定唔會要啦, 以為佢會好似其他三姑六婆親戚一樣大呼小叫, 意見多多, 點知佢講左一番頗有哲理既說話.

佢大至上係話每一個人點解出世時都要喊呢? 其實係因為人生就係充滿痛苦, 而捱左幾十年之後, 以為自己得到自己想要既嘢之後, 都已經"果頭近".

英雄所見略同也. 連我媽都少有地贊同, 又講溫室效應又講資源短缺又講天災, 呢個世界只有越黎越難生活, 無謂帶多個人黎受苦.

估唔到諗住閒話家常, 居然會扯左去d咁嚴肅咁灰既話題上.

懷住悶悶既心情, 攰攰既身軀返香港.

咁悶, 食返個雪糕開心下先.