3月大大一次地動山搖後, 聽聞會陸續有餘震, 終於琴日震到過黎.
剛收到消息時頗震驚, 不過諗深一層, 呢d都係遲早既事, 只不過我估唔到佢會爬左另一號人物頭.
都有少少唔捨得, 話晒對左四年, 但係天下無不散之筵席, 有d嘢係不能改變, 冇得強求.
其實之前我決意想走, 都同呢位人兄有d關係, 詳情無謂多講, 佢唔係一個衰人, 不過處事手法有時令到佢下面既人無所適從. 當然, 佢都有佢既難處, 再去深究邊個啱邊個錯都冇意思.
剛剛又發現有蘇州屎要我執手尾, 執慣執熟都唔係問題, 最慘係其他人都以為係我搞個大頭佛出黎啫.
點都好, 祝佢好運, 亦都祝我地呢班小薯仔在過渡期內唔會被折磨得太慘.
4 comments:
6.4 係個苦難日子真係無錯. 對好多人來講, 呢個情況有喜有悲. 喜即是有改變, 可能變好,變壞, 好過膠著狀態. 悲即是景況改變, 未必人人適應得到.
如果問我點, 我會覺, 混沌會繼續黎, 一隻小船只可望快到靠到個岸.
預咗要重溫以前嘅日子....年紀大怕頂唔順.妳記得要睇住我呢隻小薯仔.
咁...邊個睇我???
無形戰爭希望快點過去就好了 ！
Post a Comment