端午節晚, 人有三急, 一開廁所門, 一隻極其樣衰, 伸開八隻腳有我手掌咁闊既大蜘蛛, 正在牆邊四圍遊!
想當年喺澳洲我係捕蛛能手, 但鑑於香港蜘蛛身手極其敏捷, 我又冇玻璃樽在手邊, 點好呢?
同佢搏鬥左一陣, 幾次差d俾佢逃走出廳, 我多次想引佢行去窗邊走出去都唔成功. 到最後, 滿頭大汗兼耐性耗盡既我逼不得已要大開殺戒.
同殺強一樣用化武 ---- 浴室萬潔靈. 可能蜘蛛多兩隻腳, 又大隻, 噴左頗大劑量先可以制服佢, 趁佢暈陀陀唔再四處遊走時快手快腳掉落廁所, 一沖了之. 罪過! 罪過!
No comments:
Post a Comment