開工大吉

咁就過左個年, 今年如常過得好無聊.

初一:

如常去阿嫲度呆坐等開飯, 今年醒目先去食個麵打底. 果然一如以往, 我已經點半先蒲頭, 都係要等差唔多一粒鐘.

全日講左無數句恭喜發財, 同屋企人講, 同樓下看更講, 同的士大佬講, 巴士司機又講, "些粉"收銀講, 買杯架啡又講, 茶餐廳阿姐都講, 攪到我神經緊張, 差d對住隻喺街邊無故對住我請請既狗仔都恭喜一番.

初二:

如常去阿嫲度呆坐等食開年飯. 全日過得非常無聊, 不值一提.

初三:

冇交嗌, 繼續頹廢. 無聊到買本豬年運程返去細細研究. 幾經辛苦先捱到夜晚, 悶到頭頂就快吽出菰菰.

丁亥年收/發利是戰果: 打個和咁啦!