醫生與我 - Encore

條頸痛到幾晚瞓唔著, 手舉唔起, 頭拎唔到, 腰伸唔直, 變左一條唔郁得既廢柴. 尋日想睇醫生又橫風橫雨, 被迫捱多日痛, 今朝一早去搵大國手求救, 軟骨發炎喎, 勞損喎, 佢話.

大國手: 最好你就唔好用咁多電腦啦!

我: 咁不如你寫紙俾我放三個月假?

大國手: 我夠叫你今日放假啦, 咁你會唔會放先?

我: ......

大國手: 仲有你d鐵丸呀, 食成點呀?

我: 唔好迫我啦...食左痾到我死呀......

大國手: 個個食左話痾唔出你又會肚痾咁特別既!

我: 咁我都唔想.

大國手: 換隻藥俾你啦!

我: 吓...

大國手: 食半年呀吓!

我: 吓...

妖, 食藥食到個口苦晒呀呢排, 實減肥成功都得啦我.