焗死

搭巴士返工, 正常緊係一上車就會周公, 瞓得幾多得幾多.

不過今朝瞓唔著, 因為架車實在太焗, 凍得好緊要咩, 洗唔洗熄晒d冷氣呀?

扭番開個冷氣, 我都知香港人大多怕凍, 已經特登將個出風口推向我自己.

終於抖到氣, 但係只維持到一個站.

有位著住羽絨, 頭戴冷帽(真誇張)既阿姐, 上車坐我隔離, 一坐低就熄左我個冷氣. 攪錯呀! 都吹佢唔到!

頂, 又熱又焗, 熱到我出汗要除褸. 服Q左佢仲可以著住件羽絨.

熱都唔係最難頂, 呼吸困難果下攞命.

洗抖氣唔洗呀? 阿姐姐!