大瀉日

股市未瀉, 係我瀉啫...

話說今日去東涌羅漢寺拜阿婆兼食齋, 雖然話涼左, 不過行行下都幾熱.

以前寺內收留左唔少流浪貓狗, 每次去我都會盡情調戲一番, 但係今日唔見晒d貓, 狗就得返兩隻, 點解既? 去晒邊? 還左俗?

羅漢寺齋菜保持一貫水準, 好食過寶蓮寺果d粗製濫造貨色, 仲有有豆香味既自製山水豆漿, 熱死辣辣之下又再次將醫師"戒絕涷飲"既叮囑忘記得一乾二淨, 灌左大杯冰凍豆漿, 大鑊, 又賴嘢, 跟住五個鐘頭內瀉左四次, 食左藥都唔覺有效.

而家個肚仍在忙碌地翻騰, 唔知到幾點先肯放過我.