逃過一劫

禮拜六, 冇節目, 兩條友無無聊聊週街遊蕩, 反正冇地方好去, 隨意跳上架赤柱小巴.

喺赤柱都係四處遊蕩, 食下雪糕, 撩下人地d狗, 懶係有feel企喺海邊睇下景, 跟住去飲嘢.

Mocha+cheesecake+吹水+扮有文化睇下書之後, 不如返出去行下跟住食飯.

差唔多到巴士站, 都係杯mocha唔好, 人有三急, 結果要走返轉頭解決. 某君EE哦哦, 不過又跟住去, 後來可能佢要照鏡關係, 我係先出黎等果位.

行返去巴士站, 剛好見到架63號巴士上完客絕塵而去.....

跟住二人互相埋怨, 你話我做乜無啦啦要返轉頭去廁所, 我話你做乜去廁所去咁耐. 爭拗良久, 幸好在大打出手前有小巴經過, 上車.

去到環角道轉舂磡角道位置, 首先見到既係一班人坐喺地上, 咦? 拍戲呀? 跟住一架撞到"食"晒入牆既巴士同地上超長呔痕映入眼瞼. 再望返地上一群人, 原來係可憐既受傷乘客正在接受包紮.

如果我地唔係去廁所既話, 好大可能會上到果架63號...........