樂樂﹑盈盈

兩隻國寶被前呼後擁送黎香港, 大名終於揭盅 ---- 樂樂 & 盈盈.

同意某d討論區所言, 兩個名確係幾"行". 話唔好, 又唔係, 起碼叫好意頭又易讀; 話好, 都唔覺, 普通過普通, 總之就係解開心啦, 係咁多, 深度欠奉. 反觀臥龍方面幫自己旗下熊貓改既思雪, 依寶, 萌萌等, 似乎更有意思更有心思.

廣東話係好衰既, 香港人把口更衰, 兩個名一出左, 即時有人潑冷水. "樂"不幸地同"落"同音, 令人不期然諗起"股市滑落"(!!!). "盈盈"又不幸地同"營營役役"既"營營"同音. 唔提猶自可, 一提就好覺, 啋!

個人意見, 都係某君隨口up既"旺丁""旺財"好d.