唔睇新聞都唔知香港人原來咁感性, 拆天星碼頭竟然會攪出咁多風風雨雨. 我咁講可能會俾好多人鬧, 但我真真正正覺得班"保星"人士都幾野蠻, 香港仲有幾多地俾你用? d舊建築要拆都冇辦法. 果班友仔洗唔洗玩到咁激咁鬼肉麻兼肉酸?
講感情深厚既話, 以前d7層公屋相信都令唔少港人留低好多回憶, 唔通又唔好拆? 果d舊區重建拆晒d舊樓都好可惜架, 又唔好拆丫. 又另覓地點重建丫笨!
其 實有幾多人真係咁唔捨得個碼頭呢? 以香港人既一窩蜂荒死蝕底性格, 極有可能有超過一半都係人云亦云. 傳媒喺度加鹽加醋扇風點火, ABC君首先中招話好唔捨得好懷念, DEFG君急忙附和, 有d仲bit多幾滴馬尿出黎以證明自己真係萬般不捨. 話晒呢期天星咁紅, 唔講埋一份容乜易俾人話out? 情況令我諗起當年個個擔凳仔去排天光換麥當當隻硬膠Snoopy, 有幾多人真係咁鍾意隻公仔? 有幾多人其實係見個個都換, 唔換驚蝕底?
忽發奇想, 有一日政府話唔再用而家呢隻紫色圓咕碌垃圾桶, 要改第二隻, 會唔會有班熱血青年上街抗議, 攬住個垃圾桶lur地誓死保衛? 話晒日日見住咁多年喎, 有感情家嘛!
3 comments:
喂
太好喇..你講哂我想講既野
都痴線架d人
要反都唔係而家黎反..擺明要出位要noise
個d死議員扮哂為人民請命.chiu..去死喇..人地晨咁早就話要拆..你遲唔出聲早唔出聲..人地開哂工簽哂contract..先出..喂..d contractor claim你vo係唔係你俾先
eee..點解出唔到我大名既..
???
Post a Comment