空氣"好"到嚇死人, 索性匿喺屋企.
無聊之下睇左之前令細T喊到眼腫既"一公升的眼淚". 我果然係鐵石心腸, 喊唔出.
呢套戲講出現實係幾咁殘酷, 呢個世界根本就容不下身體有殘障既人, 你係殘廢就係殘廢, 你幾努力幾勇敢去面對都好, 人地表面幾幫忙又好, 事實上你就係阻住地球轉. 唔好意思, 針唔拮到肉真係唔知痛, 你有幾慘幾痛苦人地冇可能知, 同情同幫忙亦都有限度, 去到某一個地步, 人地難免會覺得被你拖累.
劇中班同學仔都已經好唔話得, 但幫你係人情, 唔幫亦係道理. 冇理由為左幫你而影響自己, 咁樣唔係叫做有同情心, 係笨. 女角終於唔想累街坊離開學校時, 同學都似乎依依不捨, 仲追出校門外, 但始終冇人開口叫佢留低.
好似好無情, 不過現實就係咁.
好無聊地又諗下如果自己有日不幸殘廢 (touchwood!), 有幾多個"朋友"會仆心仆命幫自己? 哈, 我諗一個都冇.
我有時發夢都仲會夢見有人同我講呢句說話, "你最好就唔好病, 你病就係累我!"
唔, 收到收到, 第時唔覺意惹左d頑疾上身, 都係盡快自行了斷, 一係自己揾地方柄埋等死, 千其唔好累人.
講開又講, 柴犬戇居居咁都幾得意, 好想養返隻.
3 comments:
我都好同意你既觀點. 現實生活中, 邊有咁溫情, 有唔顧會遲入班房俾先生鬧都等埋你既同學仔呀, 有少少天方夜譚. 係唔好阻住大爺入班房就真.
老實講, 唔單單喺日本, 就看香港都知啦. 如果你外表唔係殘障, 但有內疾既話, 走出街都唔會有溫情人士幫助你. 食自己就差不多.
如果有天真係身患奇疾, 都係早死早著, 免累街坊好d囉.
我都認同，我情願快快死去好過周身病痛。
你辛苦時其他人又辛苦，為何還要留在世上?
幾時都話, 死唔恐怖, 求死不能先最得人驚. 大吉利是講句, 萬一我患左果個咩咩小腦變態症, 我會趁仲郁得買包炭攪掂自己, 實在唔想睇住自己一日衰過一日, 累人累物.
Post a Comment