尋日一覺瞓醒腳痛, 腳背隱約有腫脹跡像, 唔理, 我要去街!
悠悠閒閒歎左個lunch, 跟住去修甲, 幾闊太feel, 哈哈. 但係隻死人腳越黎越痛. 唔理, 我要行街!
行下hea下, 夠鐘上yoga, 腳痛依舊. 都係唔理, 照上!
換衫時除左條長裙先望到個腳背腫左粒大豆咁上下size既波波出黎, "禁"落去會痛. 呢個情況以前要著suit+高踭鞋扮斯文既日子試過, 係水腫. 點解無神神會水腫??? 唔理, 一場去到上左堂先算.
上堂時偏偏要我地跪地扮入定. 隻腳痛到標眼淚! 幾經辛苦捱完個幾鐘, 一望, 腳上粒嘢已經由大豆進化成龍眼. 唔掂, 都係返歸穩陣.
跛下跛下返到屋企, 醒起拎左枝愛心涼茶返去未飲. 拿拿林隊晒成枝諗住可以幫助排水. 點知...飲完碌涼茶剛剛半粒鐘, 個肚好似打龍捲風一樣, 急忙衝去排毒...
一個鐘頭之後, 發軟蹄撻落床失去知覺...一覺扎醒時已經11點幾, 腳上龍眼又一次變回大豆. Good, 唔洗做跛妹.
夜晚為保險我"晾"高隻腳瞓, 今朝雖然隻腳仍然隱隱作痛, 但已經唔腫. 由於瞓左幾粒鐘, 我到四點幾先有睡意. 今朝搭車時眼瞓之餘又肚餓到死, 醒起自己原來尋晚唔記得食飯.
唔通真係著返兩日高踭鞋就出事??? 唔係好高咋喎!
6 comments:
我通常係著新鞋就會有腳痛, 擦甩皮呢d事, 水腫就好少會有.
我就唔敢著高跟鞋, 無謂同自己過唔去
對鞋都唔算新架啦...
妳咁任性架...﹗妳睇睇妳有幾多個"唔理"...
乜水腫係一粒腫架咩？唔係好似我勆個人腫架咩？
我試過幾次腳水腫都係腳背谷粒蛋出黎, 睇過醫生話係水腫, 開去水丸我食, 食左每10分鐘去一次廁所...
去水丸好吸引
減肥得唔得?
排水唔等如冇左脂肪架噃...
仲要每10分鐘去一次廁所同經常口乾喎!
Post a Comment