層樓諗住話左唔租就算啦, 點知仲有下文. 地產打黎話業主肯裝濾水器, 叫我地再諗下. 我就冇乜信心, 隔得到沙石, 隔唔隔得到泥味先? 我落左搭, 之後唔得咪又係搵著我黎攪, 唔通搬完又搬?
好聲好氣話唔考慮後, 個阿姐居然發爛渣, 話我地緊係搵到第二度唔租呢度, 跟住又話我地唔知點解嫌三嫌四, 同區七成樓d水都係咁既質素喎! 嘩, 阿姐你講嘢呀? 我讀K1開始住呢頭, 親戚朋友又多數住同區, 大大少少屋苑甚至唐樓都去過, 都未試過要用黃泥水喎!
睇完樓唔租都有罪? 佢都癡癡地, 買衫買鞋幾百蚊都要試啱先俾錢啦, 何況我個個月出六七千銀幫人供樓?!
今日空氣極差, 仲唔知死去銅鑼灣蒲左個下晝, 而家喉嚨又乾又痛又不停打乞痴, 好唔舒服, 都係時候去執返劑樹枝茶飲下.
2 comments:
好鍾意你post張相, 更加認同你既睇法, 租樓唔同買菜, 緊係要揀好d. 而且佢d態度咁差, 佢幫你搵到好樓既機會更加微啦.
就算住唐樓, d水都唔一定係黃泥水. 何況那些高樓住宅, 呃細路咩佢.
你搵一次就被迫見多呢d古靈精怪既事啦. 希望你快快甩難啦.
搵咁多次樓呢次最麻煩, 俾阿高人講中左, 我呢兩個月係濕滯, 唔到我唔信邪
所以某某都決定暫時擱置搬屋大計, 等多個月先
但係阿鄰居呢幾日又臭得好交關, 慘~
Post a Comment