諗住睇多次間屋跟住簽租約, 上去當然要開d水喉check下, 唔開尤自可, 一開.....黃--泥--水???!!! 兩個地產經紀慌忙陪笑話係個水喉耐冇開先會咁既啫, 開多陣冇事. 好, 我大把時間, 我陪你開多陣. 點知陣完又陣之後, d水仲係帶黃, 仲有唔少細粒沙石沉澱, 帶陣陣泥味. 嗱, 你唔好話我知果d沙泥係發展商特登加落去俾住客做身體磨砂用呀下?!
地產死口拗話大廈舊年做維修時換晒所有喉管, 冇事既冇事既. 大廈維修整過d乜嘢, 問下樓下看更實知. 一問之下, 原來維修只係翻新外牆同大堂, 冇換過喉喎. 個多事既阿伯仲爆俾我地知, 呢棟大廈因為d水質既問題, 成日都有人投訴, 大部份住客唔敢飲黃泥水, 唯有飲蒸漏水. 飲蒸漏水冇問題, 但冇理由要我用泥水沖涼卦?
咁既condition我地就唔會租架啦. 個地產死咬唔放話叫業主搵個師傅上去望下, 可能有得整呢? 好, 你咪搵人上去睇囉. 不過我覺得如果係求其叫個師傅整整就攪得掂既, d住客又點會唔做, 而寧願飲貴水?
好鬼慶! 以為搵到地方可以快快搬離個臭人, 而家又要再搵過!
4 comments:
你真係好不幸喎, 仲以為你搬得成. 不過家近有惡人又真係難頂d. 俾我實打電話去d政府部門投訴或去d八卦雜誌, 包實有人理.
養果d老鼠可以養到咁大隻, 唔怪得香港鼠行無忌啦.(不論那一類都是).
再咁攪法, 要搵隻貓黎對抗吓啦.
個臭人係業主黎, 吹佢唔脹架, 公屋都話有扣分制可以趕佢走丫
咁大隻老鼠, 貓都掉頭走, 仲有而家d貓分分鐘成世貓都未見過老鼠, 識鬼捉咩!
喂
唔好原區搬喇
我個頭幾好架
你果區有好介紹? 幾錢先?
Post a Comment