下一站, 天后

喺而家呢度唔覺唔覺住左年幾, 又心思思想換吓環境.

上星期放工貪得意去睇左間, 麻麻地, 不過反正有的是時間, 慢慢搵.

尋日見冇嘢做, 去睇樓. 求其經過地產就入去問問, 喺同區又睇左兩間, 一間黑到可以拍恐怖片, 另一間, 幾好但對正大馬路, 好嘈.

行吓行吓行左去天后果邊, 原本想下午茶, 無意中瞄到間蚊型地產有個盤係我阿叔以前住果棟大廈, 果度都ok架喎, 又貪得意入去問問.

個姐姐話果間租左, 想走人時佢話另有幾個盤都符合我地"畢直", 見咁得閒咪睇囉.

結果我地睇左八個單位.

#1: 有驚喜喎

#2-5: 普普通通, 唔差亦唔可以話好

#6: 窗臺大到可以做食飯枱

#7: 通往大廈lobby條路又黑又濕又陰森, 單位頗殘

#8: 一梯兩伙原本唔錯, 對面位鄰居卻貼左一d奇奇怪怪既小朋友畫作喺大門同旁邊既防煙門上, 越望越感覺詭異. 入到屋入面, 間格唔錯夠光猛, 好闊落景觀亦開揚, 但喺屋入面硬係有種滄涼感, 唔多舒服, 故望左一陣就走. 等lift時八卦睇吓d小朋友畫, 俾我裝到對面門上有度符, 寫住咩咩"急急如律令,敕"果隻.... 呢度你租埋我果份.

睇多次第一間, 真係唔錯喎, 新裝修, 園景加海景, 冇壞感應.

於是乎我地就租左呢度.

記得上次搵樓行到跛都係得個桔, 估唔到今次一日就攪掂.

睇黎我搵樓同搵工一樣, 都係要求求其其亂咁黎.

眾人皆瞓我獨醒

又係咁啦, 日光日白時烏吓烏吓喊露一個接一個, 到左呢個人人會周公既鐘數, 我又變得精神奕奕.

係咪應該搵份返夜晚既工呢? 例如...hmmmm.....諗唔到.

有咩工係可以返夜晚又唔洗點用腦架?

今日其實身心疲累. 零晨差不多五點先有睡意既我, 十點又起身, 遠征大圍.

可能有人會話, "車, 都唔係好遠啫!"

你試吓瞓五粒鐘, 趕唔切食早餐就巴士轉火車, 再行一段冇瓦遮頭曬到死既路, 然後先發現係白行一趟而一d都唔覺攰/洩氣/失落既話, 我親手寫個服字俾你.

好彩仲有兩個傻人陪住一齊戆居.

下週再度遠征, 希望順順利利.

如果再出亂子(touch wood), 相信我都係同高人無緣, 我會放棄呢個任務.

諗到長期失眠既我夜晚可以打咩工.

有d損友肯定諗緊衰嘢.

我諗到做看更咋.

抄自Teri妹...我要願望成真

2008大預測! 下面一組簡單的問題，請你認真做完，答案就在你心中
1)寫下一個異性的名字
2)你最喜歡的顏色是紅色，黑色，藍色，綠色，還是黃色？
3)你英文名字的第一個字母？
4)你的生日是幾月？
5)黑色和白色，你更喜歡哪個？
6)寫下一個同性的名字
7) 你最喜歡的數字？
8)你喜歡美國的加利福尼亞州(california) 還是福羅裏達州(florida)？
9)你最喜歡湖還是海洋？
10)許個願望(一個實際的願望)












解析
1)你深深的愛著這個人

2)如果你選擇：
紅色：你是很警戒的人，你的一生中充滿了愛
黑色：你很保守，但很自負
綠色：你的靈魂很散懶，而且你是個比較放松的人
藍色：你是個八爪魚，同時愛很多人，而且你喜歡你的愛人的吻和愛
黃色：你是個快樂人，而且你給失落的人很好的建議

3)如果你的你英文名字的第一個字母是：
a-k 你有的一生中會很多愛和友情
l-r 你總是想歡享你的生命，你的愛情生活馬上就要開放
s-z 你喜歡幫助他人，而且你的未來的愛情生活充滿希望

4)如果你生在：
一月到三月：今年你會很走運，而且你會發現你會意外的愛上一個人
四月到六月：你會有個很強的愛情，這段感情不會很長，但那美好的回憶會讓你永生不忘
七月到九月：你會有個很快樂的一年且會經曆一個在你一生中好的，很大的改變
十月到十二月：你的愛情不會很好，但最終你會找到你一生的伴侶

5)如果你選擇了：
黑色：你的生命將會改變方向，當時看起來似乎很難，但之後你會覺得這個改變是你一生中最好的東西
白色：你有個朋友很信任你，願意為你做任何事情，但你可能不知道這一點

6)他是你最好的朋友

7)這是你一生中會有的貼心朋友的數目

8)如果你選了：
加利福尼亞州(california) ：你喜歡冒險
福羅裏達州(florida)：你是個懶散的人

9)如果你選了：
湖：你對你的朋友和愛人很忠誠，且你是個保守的人
海洋：你是個八爪魚，同時愛很多人，且你想讓你愛的人快樂

10)如果你一個小時內重新在另一個地方發表這個測驗，你的願望會在你的下個生日之前實現；如果你看了此貼回複的話，你的願望會在你十天之內有一個小小的驚喜!

懸案

10:00 收到order要做一個橫跨兩teams既report

11:30 整完, saved as file 1, send俾隔離team某女子接力

12:30 某女子話有data改動, 影響到excel file內我地有一張sheet要改數, 叫我地改完佢再update

15:00 改完有關worksheet, saved as file 2, 俾返佢

16:00 某女子話佢加左佢張sheet, 俾返我老細send出(因我老細係project leader, 此report由佢統籌)

16:05 我老細send出俾某膠層

17:45 某膠層email媽叉: 做咩你個file有errors架?

17:46 - 18:00 大惑不解, 改file後明明check左先發回俾某女子, 點解會有錯? 我&我老細忙亂check file

18:05 我發現其中一張worksheet多左幾個rows, 多左d不知名數字, 加左數又冇改formula, 即係錯晒

18:06 同老細double check最後改動之file 2, 與最後由某女子send 回之file, 某女子個file奇蹟地多左上述怪怪雞雞數

18:08 老細怒氣沖沖跑去問某女子: 點解改過我地d嘢唔出聲? 某女子(氣定神閒帶點吋): 我乜都冇改過喎!

18:10 老細print埋我地最後saved既file, 同某女子最後send來個file, 再去對質. 某女子態度依舊: 唔知喎!

死啦今次! 公司緊係有鬼!

幫自己驗腦

上網見到呢個號稱"日本超人氣"既無聊遊戲, 只需輸入自己個名, 就知自己個腦裝乜.

http://maker.usoko.net/nounai/

打左曾特首個大名落去一試, 咦, 似乎阿曾sir因為錢多而煩惱喎, 我呢個良好市民好樂意幫吓佢.


至於我自己, 最多係"愛", 跟住依次序係"惱", "休", "遊".

嗱晨早都話我愛心爆棚架啦! 仲有煩惱多多攪到成日發惡夢, 所以經常渴望休息同外遊.

有d料到喎. 美中不足係中國人同名同姓既人太多, 冇理由個個腦都一樣啩?

搵到少量解釋:
惱-> 煩惱
愛-> 愛
休-> 解釋為只想休息的人。能坐就不站、能躺就不坐
H -> SEX
食-> 就是愛吃
金-> 錢
欲-> 物欲、甚至要說是權力的欲也可以
秘-> 秘密, 藏私, 隱私。
遊- > 帶點不務正業的人，負面多一點 (咩話???)
噓-> 謊言
惡-> 就"惡"
忘-> 健忘
逃-> 逃避。應該是指不願面對的駝鳥心態吧！
學-> 和中文一樣是學習, 真是熱血正面的一個字
酒-> 能有這個字真是太酷了
友-> 友誼? 太重朋友會把女朋友擺第二位那類的人?
妄-> 妄想
變-> 變態?

後加(多謝燕燕提供資料):

原來打英文一樣得, 答案會唔同, 大細草都會有分別.

仲有一個上面冇講, 係"迷", 唔知解迷人定迷楜?

惡人發惡夢

呢排又成日發怪夢. 尋晚大吉利事地夢中既我唔知咩事被判死刑(啋!), 臨死前同我爸媽話別(唔見某君喎,哈)...

夢中就快夠鐘見閻王既我仲講左好多好感性既說話, 配合返近排玩感性呢個主題.

應該係工作壓力大皮質醇偏高, 攪到晚晚發惡夢. 呢兩個禮拜都有幾晚要做到差唔多八點半架, 幾鬼死辛苦.

要減減壓至得啦. 今日偷懶上網無意中搵到呢個MV, 勁鍾意.



唔係特別鍾意首歌, 係d景色實在冇得彈, 如果可以喺個咁既地方住就好, 可能到時唯一壓力係食飽飯冇事做.

講返個夢, 聽聞夢境多係相反, 咁係咪即係好快有好嘢發生喺我身上?

六合彩...六合彩...六合彩...

感觸

學阿燕燕感性一下.

首歌係Canon in D, 德國作曲家Johann Pachelbel (1653-1706) 約1680年作品.

聽返呢首歌, 見返呢份譜, 實在無限感慨.

想當年柴娃娃走去學小提琴, 跟住又順理成章加入學校orchestra, 呢首係第一次隨團表演既其中一首歌.

同佢好有緣, 約一年之後去澳洲, 又表演過一次.

N年前既事, 不過對我呢個阿婆黎講猶如昨天, 到今時今日仍然背得出份譜, 老人痴呆果然係只記得以前既事.

而家鑽研緊用豎琴彈 :-)

人生無常

唔怪得尋日朝早有救傷車喺樓下....

以下摘自今日生果報:

設 計 師 家 中 吐 血 亡
【 本 報 訊 】 一 名 任 職 設 計 師 的 男 子 ， 懷 疑 病 發 吐 血 ， 在 北 角 住 所 內 昏 迷 ， 由 其 母 發 現 報 警 ， 救 護 員 接 報 到 場 ， 證 實 事 主 已 經 死 亡 ， 警 方 調 查 事 件 無 可 疑 。 事 主 的 母 親 一 度 情 緒 激 動 及 感 到 不 適 ， 但 拒 絕 送 院 。
死 者 郭 君 豪 （ 41 歲 ） ， 她 與 姓 吳 （ 65 歲 ） 母 親 ， 同 住 北 角 和 富 道 74 號 仁 寶 閣 2 樓 一 個 單 位 ， 現 場 消 息 指 ， 郭 任 職 設 計 師 及 自 設 店 舖 ， 他 10 多 年 前 患 肺 病 ， 但 已 經 痊 癒 ， 街 坊 指 他 身 材 瘦 小 及 面 色 蒼 白 ， 他 至 今 未 有 結 婚 ， 兄 弟 姐 妹 已 搬 出 。
其 母 指 出 ， 昨 凌 晨 見 兒 子 沒 有 異 樣 ， 如 常 上 床 睡 覺 ， 至 昨 晨 10 時 許 ， 她 入 睡 房 喚 他 起 床 ， 發 現 他 吐 血 昏 迷 倒 卧 床 上 ， 並 沒 有 反 應 ， 報 警 後 救 護 員 到 場 ， 證 實 事 主 已 經 死 亡 。 患 有 心 臟 病 的 郭 母 ， 獲 悉 兒 子 死 訊 感 到 不 適 。 警 方 調 查 事 件 無 可 疑 。

雖然唔識呢位街坊, 不過都希望佢安息, 佢家人節哀.

新玩具

到左啦, 到左啦~

等到頸都長, 船期關係, 我呢位新honey足足成三個幾月先黎到香港.

不過遲到好過冇到. 靚唔靚仔呀佢?

特別鳴謝某善長慷慨解囊, 祝佢善有善報, 福有油雞.

遊魂

連續三日, 日日魂不守舍, 喪屍上身般返工.

星期一, 返到去如常攝入位, 完全睇唔到成個櫃俾人推左出黎 (假期時公司有小規模裝修), 一刮, 一撞, 哎吔, 右邊膝頭多左條三吋血痕, 左邊膝頭多左撻瘀.

都係星期一, update個file之後, save錯左名, 再開返時見到data仲係之前果d, 仲懶醒向IT投訢點解個file save唔到.

星期二, 個腦一片空白行出地鐵站, auto pilot行返公司, 去到公司對面等過馬路, 突然俾人大力一拍, 原來係同事, 佢勞氣地話, "我識你架可? 冇認錯人丫嘛? 跟左你好耐叫左你好多聲啦, 你聾左?" 平日駁咀駁舌既我是日只識戇居居傻笑.

又係星期二, 放工約人食飯, 約人去灣仔等, 我去左金鐘. 以為我失左踪既友人打左五次電話俾我, 我發呆一次都聽唔到, 最後呆等左成廿分鐘先如夢初醒, 氣急敗壞仆去灣仔.

星期三, update"筆直", 錯漏百出, 撈亂完products, 又撈亂國家, 少少嘢攪足一日. 好在老細忙住開會唔得閒催交貨.

亦係星期三, 搭地鐵都會超站...

有冇人好心幫我招返個魂魄返黎?

齋戒

抵死啦, BBQ再BBQ再韓燒, 標瘡生飛滋, 好痛.

睇黎跟住呢兩個禮拜食齋算啦...