返來了

死返黎啦~~

上去班機冇delay, 返落黎都只係delay左15分鐘, 真少有. 更少有既係搭咁多程車都冇遲冇塞車. 要買六合彩.

不過, 今次喺上面上網上到窒下窒下, 激到嘔血!

仲有, 返黎果程機上有兩條土佬, 全程大呼小叫, 去廁所又唔知入面有冇人, 開唔到門就企喺度呱呱嘈兼撞門(!). 好好彩地我今次坐廁所隔離......

某某成晚未停過講野, 佢悶左一個禮拜, 而家我返黎又有人鬧佢喇, 心情緊係好興奮.

我咁多晚都瞓得唔好, 要去叉叉電 zzZZZZzzzzzZZZZZZZzzzzzzzzzzzzzzzzzzzzzzzzz

食呀食食食食食

今朝既節目就係攤喺張床到扮死, 扮到點幾鐘頂唔住, 好肚餓, 又走去CWB食lunch. 條街如常好熱 好多人, 食完野行左一陣街迅速逃去Times Square過冷河.

去左百X匯, 豐X混吉. 而家d電視機真係好平, 好有衝動買, 不過唔知買左擺去邊.

混完吉去Mix飲smoothie, 又食, 果到真係好鬼死好坐, 雖然三十蚊杯飲野好貴 (仲要係wee size, 幾鬼暴利), 但係好坐到我地差d瞓著.

夜晚又係食日本野, 今日全日都係日本菜, 食魚生食到好膩.

有野做, 係咁先.

熱死人

無所事事喺銅鑼灣遊蕩左大半日, 好死多人好死熱, 差d中暑.

今日又上yin yoga, 拉到腳都軟埋. 間房唔知點左咩鬼香薰, 其實陣味幾好聞但係我個鼻唔生性, 全程鼻痕痕. 攤低回氣時個instructor拎左條滴左香薰既毛巾"噤"喺我地眼度, 係好relaxing不過我卒之頂唔住, 乞~~痴~~~~(x3)

琴日食得太多今日全日淨係食左一碗米線一個apple crumble, 同飲左大量既水.

而家好肚餓......

Happy birthday to me

又老一歲啦陰功, 不過我老極都仲細譚校長7年, 我年年18歲, 吹咩?

班靚女同事好鬼死有心, 又蛋糕又壽司仲有home made甜品呀, 我好多年冇切過蛋糕啦, 上一次係6年前啦, 好感動啊啊啊啊啊~~~

今年生日願望就係儲多d錢 (其實我年年都係呢個)

我會記得呢個3...er....18....歲既生日會既, hehe~

Happy Friday

好野, 終於星期五!!! 好開心!!!

不過聽日好多野做, 要去銀行啦, 去郵局啦, 去攞 credit card 件迎新垃圾啦, 上yoga啦, 洗衫啦, 執下個狗竇啦.....

琴晚壹週刊黎影我地跳舞, 失禮死人啦, 跳到隻蟹咁....幸好我如常霸住角落頭個風口位, 未必影到我. 最好唔好俾我見到自己個死肥肚腩喺雜誌出現!! 我會投訴架!!!

今晚去食泰國野, 後日又有飯局. 希望我唔好將辛苦減左既兩吋"賺"番返黎. 錢又唔見咁易賺, 哼~

甩鞋

搵返對舊鞋出黎著下, 點解會鬆左咁多既? 乜d鞋擺得耐會鬆架? 定我對腳縮左水? 落左樓又唔想返上去換鞋, 行落斜路差d仆死, 上車又差d甩鞋.

下晝仲要過太子, 跟住夜晚要跳舞喎, 仲有好多路要行喎....

嚴重渴睡

琴晚11點就"larn"上床, 瞓到七點幾, 都依然係好眼瞓.

今朝搭巴士又瞓, 搭火車又瞓, 好在我個"到站自動扎醒系統"冇失靈, 冇去左羅湖.

無心工作添, 今晚仲懶勤力book左yoga, 去唔去好呢?

遲大到....哈, 樣衰

琴晚睇完醫生去修甲, 叫左阿某某自己食飯, 點知佢九點幾打黎死催. 我叫佢去食飯先, 唔肯, 叫佢去蘭桂坊睇住鬼妹等, 唔肯, 叫佢上修甲鋪坐住等, 唔肯....等我整完滾水淥腳咁碌過置地, 慘過湊仔

今朝瞓過龍, 用最快速度換衫衝出門口, 好瀟灑咁跳上架102先發覺自己冇銀包冇發達通. 妖, 點解我琴晚會抽起條筋拎個銀包同卡片套出黎執? 都唔係咁整齊既人執黎把鬼? 執完又要唔記得擺返落袋......xyz#$%&^*(@#*

返到公司差唔多10點! 老細e貓話jet lag要返屋企瞓覺, 好彩好彩~

我bus lag + train lag, 今朝又受左驚嚇, 都要恰返陣.

好死眼瞓

阿邊個邊個叫我寫blog喎, 佢咁無聊都寫到d野我都係咁無聊冇理由寫唔出家嘛.

不過唔知keep到幾耐!

今日又話巴士工潮, 等我早半個鐘出門口, 結果早左半個鐘返到公司, 頂...

好死眼瞓, 個腦未開工, 係咁先啦我去恰陣 zzzzzzzzz